product summery

Rizq deb manfaat olinadigan barcha narsaga, har bir jonzotning moddiy yoki ma’naviy hayoti uchun zarur bo‘lgan narsalarga aytiladi. Mol-dunyo kabi ne’matlar moddiy rizq, mol-dunyodan boshqa ne’matlar ma’naviy rizq hisoblanadi. Ba’zi ulamolar buni dunyoviy yoki uxroviy atolar, deyishgan bo‘lsa, ba’zilar "ozuqa olinadigan har qanday narsa rizqdir", deyishgan. Ba’zilar "Halol bo‘lsin, harom bo‘lsin, Alloh har bir tirik jonga beradigan narsa rizqdir", deyishgan. Yana ba’zilar "Bu olamda bor bo‘lgan, insonga zarur bo‘lgan, uning ehtiyojlarini qondiradigan barcha narsalar, jumladan, yegulik, chorva, mevali daraxt, kiyim va tilla-kumushlar ham rizqqa kiradi", deyishgan. Ba’zilar "Alloh taolo bandaga muboh qilib, mulk qilib bergan narsalar rizqdir, bu ta’rifdagi rizqdan maqsad ozuqa olinadigan narsalardir", deyishgan. Ushbu kitobda rizqning ta’rifi, rizq haqidagi oyatlar, Qur’oni Karimda "rizq" atamasining ma’nosi, rizq topishning qoidalari, rizqning 34 sabablari va boshqa rizq haqidagi muhim ma’lumotlar jamlangan. Risola orqali ko‘pchiligimizning tushunchamizdagi rizq aslida nima ekanligini yanada teranroq anglaysiz, degan umiddamiz..