Product Summery

Norveg yozuvchisi, Nobel mukofoti sovrindori Knut Hamsunning "Mezon yulduzi ostida" qissasi ilk bor 1906-yilda nashr etilgan. Bosh qahramon Pedersen shahar shovqinidan qochib, sokin orolda qo‘nim topadi. Biroq qalbi mudom qishloq hayotiga oshufta va shu bois sarson-sargardon hayotni tanlaydi. Tasodifiy tanishlarga qo‘shilib, fermer xo‘jaliklaridan ish izlaydi, bor imkoniyatlarini safarbar etib, odamlar hayotiga yangiliklar olib kiradi. Qiynalganlarga yordam beradi, adolatni tiklashga intiladi. Hamsunning boshqa kitoblarida bo‘lgani kabi qahramon doimo oshiq va bu sevgi munosabatlari hamishagidek muvaffaqiyatsiz yakun topadi.